كتب Cappo :: مشرف قسم الشباب ::: منتديات حاجات كوول::.:: > :: منتدي مشاكل الشباب:: > قسم الشباب
مصطلحات تهيس
الموضوع ده قديم فى المنتدى وتاريخه تحديدا
قديم 05-13-2009, 12:02 PM
فيه مصطلحات وكلمات روشه وكلام سرسجية كتير بعضها لسه بنستخدمه وبعضها لأ بس على اى حال انا لقيت الموضوع غريب من منتدى قفل ابوابه من زمان.. فقلت اجيبه فى المدونة يمكن نطلع منه بفكره تلزمنا او نعرف نفهم حد بيقول حاجة غريبة على وداننا، وانا ابرىء ذمتى قدام ربنا من مصطلحات تهييس بس مش قد كده يعنى ممكن تودينا فى داهية، فكل واحد ياخد باله من كلامه ومينساش، انه (ما يلفظ من قول الا لديه رقيب عتيد) والكلمة الطيبة صدقة.
بس جبت الموضوع علشان نبقى فاهمين الدنيا ماشية ازاى حوالينا مش علشان نقول كده.
وطبعا لو انت من دولة تانية غير مصر مش حتقدر تفهم المصطاحات دى لو عدت عليك فى الشارع المصرى ولا فى فيلم مصرى ولا من واحد مصرى، فحبينا نسهل الامور ونفهمك المصطاحات دى ومعاننيها علشان تبقى ماشى معانا على الخط ومتبقاش فى وسط المصريين زى الاطرش فى الزفة، لأ تبقى "حدق" كده وتفهمها وهى طايرة.
يلا نبدأ بسم الله
_---------_
(1)أستمورننج
لفظ يقال في الصباح بغرض تناول الطعام أو التدخين ، أو شرب الشاى حتى يفيق الشاب من نعاسه ، مثل " هاروح اعمل أستمورننج علي القهوة وجاى "
(2) الأبلتين لدع في دهاليز الحياة
عبارة تدل علي الخواء أو الفوضى في الحياة ، وغالباً ما تأتى بقصد الفلس
(3) أعمل دماغ
عبارة مشهورة لدى المدخنين ويقصد بها ضبط الحاله المزاجية عند المدخن
(4) أديها جاز
عبارة تقال في مواقف المشاحنات بين الأصدقاء لزيادة حدة المشاجرة ، مثل " أدى الخناقة جاز علشان تولع أو شعللها " سواء بالكلمات أو توجية اللوم لأحد المتشاجرين لكى يثور علي الاخر وطبعا ده بيكون من الناس الحلوة قوى اللى بتحب تهدى النفوس
(5) أختفى شوية
أى لا تجعل أحد يراك هنا أو أبعد الآن أو أمشى من هنا ، مثل " عاوزك تختفى شوية لحد ما الحياة تعدى " أى لا تظهر نفسك حتى تنتهى المشاكل . أو " أختفى من أمامى الأن .. أى أمشى وأترك المكان لأنى لا أريد رؤيتك
(6) أيه النظام
عبارة بمعنى أيه الموضوع ، ولقد أستغلت الكلمة في أحد إعلانات الموبيل فى نظام كروت الشحن و العبارة تدخل في العديد من الأحداث التى يتسائل فيه الشاب عن الأحداث الجديدة ، مثل " أيه النظام .. النظام في العظام " والعبارة الاخيرة تفيد الأعتراض علي الإجابة بإسلوب فيه عبط وإستهبال
(7) أليط
لفظ بمعنى المتكبر ، الذى يتعامل مع الأخرين بأسلوب فيه تعالى او ينظر الى الاخرين نظره دونية متعجرفة
(8) another stone
وتعنى بالروشنة " حجر أخر لشاربى الشيشة على المقاهى "
(9) أتشبح
مصطلح بمعنى الضرب لدرجة التعذيب ، وتقال "شبحته " أى أعتديت علية بالضرب المبرح
(10) إتم
والأتامه حسب تعريف الروشنه تعنى الغلاسه والرخامه والتناحه ، وجميع الصفات السيئة التى قد يتصف بها شاب معين .. ويقولون " الإتم جه " أى استعدو لتحمل السماجه التى سوف تظهر من هذا الشاب
(11) أزبهل
لفظ يدل علي الزهول الشديد ويقال " انت مزبهل كده ليه " أى مندهش لدرجة العبط
(12) إحلق
وهو لفظ لا يعنى الذهاب الى الحلاق لقص الشعر ولكنه يفيد تجاهل الغير مثل " أحلق له " أى لا تفكر فيما يقول فهو لا يستحق
(13) أتوبيس راجع بضهره
عبارة يقولها الشباب علي الفتاه الغير جميلة ولها لدى الشباب اسماء اخرى ، مثل " زى الكره الكفر " أو " صب حته واحده " طبعا ده تنمر
(14) أعلمه
وهذا مصطلح يعنى التشوية في جزء من الوجه بآله حاده ، مثلما أراد الفنان محمد سعد في فيلم الناظر مع النجم علاء ولى الدين " أعلمك بمطوه يا ابو صلاح ده ختم الصياعه "
(15) أنش
لفظ مختصر لاسم " انشراح الخباثة " وهى شخصية خيالية تعنى الشخصية الساذجة الى درجه الهبل
(16) أملئ التنك او فاول
عبارة بمعنى اريد ان اكل لان معدتى خاوية والتنك هنا بمعنى المعده ، أما البنزين او السولار الذى يملأ التنك هنا فهو الطعام
(17) أمبلايز
مصطلح بمعنى " في القشوش " اى ان الموضوع الذى سعيت من أجله لم يتم ، او تعبت علي الفاضى ، وتقال " الحياة في الامبلايز " اى ان الحياة خربانة وفاشلة
(18) أشاعاتى
الشخص القادر علي اصدار الشائعات بمعدل 50 أشاعه / ثانية ، رغبة في التشهير بالاخرين وايهام الغير بالسوء
(19) أبجنى تجدنى
عبارة تعنى " انا يمكن شرائى بالمال " او اعطنى المال لكى انفذ كل ما تطلبة ، وغالباً ما يقولها الموظفين المرتشين او الشاب الذى لا يهمه إلا مصلحته دون الأخرين
(20) أنجز بالونجز
كل المشاكل التى تقابلها لها حل سريع وحاسم ما دمت تدفع المقابل ، والونجز يقولون انها كانت نوع من انواع السجائر قديماً ، لكنها تطلق هنا علي النقود لانها حلالة العقد وسريعة التأثير في انهاء المصالح المتوقفه
(21) أستك
مصطلح يعرفه التجار ويعنى الألف جنية
(22) أرنب
مصطلح شعبى بمعنى مليون جنية .... ويقسمه التجار ورجال الاعمال مثل " نصف أرنب " أى نصف مليون جنية والربع أرنب يعنى الربع مليون جنية اما الورك ارنب فهو المائة الف جنية
(23) أخلع دلوقتى
عبارة تقال كأعلان لرغبتك في رحيل شخصاً ما ، أنهيت الحديث معه ، مثل " أخلع دلوقتى ورايا شغل " أى امشى الان ونتكلم مره اخرى فلدى ما اهتم به غيرك
(24) أتزرع هنا
بمعنى أنتظر هنا ولا تتحرك مثل أى جماد أو شجره وتقال " إتزرع هنا لحد ماجى تانى " أى لا تترك مكانك أو موقعك حتى أعود إليك مهما كانت الأسباب
(25) أعلن فرارى
عبارة بمعنى انوى الإنسحاب من الجلسه او الموقف الذى اعاصره ، وتقال " اسف " انا هأعلن فرارى اى انا ماشى او لن انضم اليكم في الحديث
(26) أتارى
مصطلح يطلق علي السيارات الخفيفة ، لانها تشبه السيارات في العاب الفيديو جيم او الاتارى ، مثل " سياره الشرطه " ويقولوها المدمنين " اجرى يالا عربية الاتارى جاية "
(27) أيه الحياة ؟
سؤال بمعنى ماذا حدث اليوم ، ما هو الجديد في الدنيا .. ما هى اخر الاخبار وكل الاسئلة علي الوضع الحالى
(28) أخلع فرد
عباره مأخوذه من لسان شاب جزمجى ، وتفيد معنى ان من نتكلم عنه قادم
(29) أحنا اللى بهيظنا الفهايص
عباره يطلقها قائد شله الفساد افتخارا بنفسه ومعناها " انا اللى جعلت الجميع يغيب عن الوعى "
(30) أبو الغضب
اسم يفيد معنى الشر او ان هناك نية مبيته بالايذاء ، ويقال اسم ابو الغضب في وشه اى ناوى علي الشر ، اما " ابو الغضب " نفسه فهو شخصية كارتونية شريرة ظهرت في حلقات ( مازنجر ) وعلي غرار المعنى يقال شبية أبو لهب او شبية أبرهه الاشرم وكلها شخصيات شريره
(31) أوزى
لفظ يطلق علي الفتيات الصغيرات الجميلات في المدارس الثانوية والإعدادية وشابه ذلك
(32) أنتر
مصطلح مشتق من الكلمه الانجليزية Enter وهو زر إدخال البيانات في الكمبيوتر ولكنه يأتى بمعنى " لا يعيش له سر او فاضح لاسرار الاخرين " او لديه استعداد للاستدراج في الحديث
(33) أيه البواخه ديه
عبارة بمعنى " ليه الرزاله " والعباره غالباً ما تصدر من الفتيات عندما يعاكسهن الشباب في الشوارع او في محطات المترو
(34) أدعك الفانوس
عبارة بمعنى أختفى الان ، انصرف ، لقد اتممت مهمتك او قلت ما تريد .. مثال " ادعك الفانوس دلوقتى " اى ارحل بدون ان يراك احد
(35) أنزل من ع المسرح يا نجم
عبارة تقال لشخص يتدخل فيما لا يعنية ويقصد بها " ده مش دورك " اى ليس لك دخل بالموضوع
(36) إنسانى وخد عنوانى
عبارة تفيد عدم المشاركة في اى احداث قادمة او معاصره لموقف معين ، مثل " تحب تروح السيما ؟ لا .. انسانى وخد عنوانى ،،، اى لا اريد الذهاب لاى مكان او جاء ميعاد انصرافى وسوف تجدونى وقت الحاجه مره اخرى
(37) أنف
الشخص المتكبر المغرور الذى لا يتعامل ببساطه مع الاخرين ، بل ينظر اليهم نظره دونية
(38) أهرش
لفظ يفيد " طلع اللى في جيبك " او ادفع لى حتى اقوم بما تريد من خدمه وتقال ايضاً " اهرشنى " اى اعطنى نقوداً في السر او في العلانية
(39) أنزل من علي ودنى
عبارة بمعنى " ابتعد عنى " او انك انسان ثرثار كثير الكلام او " ارحم دماغى " صدعتنى
(40) أوكشه
وهى الفتاه الباهره الجمال او التى تستحق ان يطلق عليها كله " أنثى "
(41) أنتخ
لفظ بمعنى جلس بدون هدف ينتظر الفرج حتى يأتى له ، مثال " انت ها تقعد مأنتخ من غير شغل كتير " والمقوله يردد مثلها الاباء كثيرا للابناء الجالسين بلا عمل بعد التخرج ومعناها ابحث لك عن عمل بدلا من الجلوس الممل لانى لا انوى الاستمرار في منحك مصروف
(42) أشتغله
اى اكله البلوظه او اكذب عليه او اخدعه او استهبل عليه وتقال " انت بتشتغلنى "
(43) أينح
لفظ يدل علي الشخص الذى يجلس في استرخاء وهدوء بدون عمل ويقال " انت مأينح ليه " اى ما هو الشئ الذى تنتظره حتى تحقق ذاتك وتبحث لك عن هدف
(44) أوجو
مصطلح يطلق علي الفتاه التى تخضع لتأثير الشباب بسهوله ، او ذات العلاقات المتعدده مع الجنس الاخر
(45) أدرجى
لفظ يطلق علي محترف الصياعه او " لافف " ويقال انت شاب أدرجى في السوق ، اى بارع في التجارة وتفهم الكثير من خبايا الامور واحيانا تقال للشاب ذات العلاقات النسائية المتعددة
(46) أيحه
لفظ يطلق علي شخصاً ما هو التركيبة السرية لماده البخل او الذى لا يهون عليه صرف مليم
(47) أشايك
مصطلح يفيد التهديد والوعيد بزياده صعوبه العمل والتعب فيه وتقال في حاله غضب الرؤساء من الموظفين الصغر
(48) أرحلك
إنظار صريح بالطرد او النفى ، وسوف اعيدك من حيث اتيت وتقال حينما يخطئ الشاب في من هو اقوى منه مهنياً او قائد المعسكر لشباب في الرحلات
(49) أنت هركليز
عبارة استخفاف تقال للشاب الذى يرى نفسه بطل او المتظاهر بالقوه_ قديمة طحن
(50) أرقدلك
تهديد صريح بالشر ، والترقيد هى النية المبيتة بالشر او الإيذاء
(51) اقعدلى في حته ناشفه
جملة سخرية توجه للشاب الاهبل (تنمر يا مان) او الذى يخطئ في الكلام كالأطفال حين يتبولون علي انفسهم علي اعتبار ان الشباب والرجال لا يخطئون ولديهم تحكم ذاتى بالنفس ( الحمام يعنى )
(52) أحط عليك
عبارة لها العديد من الاستخدامات ، فأحياناً تفيد الاستقصاء او نية الايذاء احط عليك في الشغل اى سوف اتصيد اخطاءك حتى اعاقبك واحياناً تقال بمعنى الزياره مثال " هحط عليك بكره " اى سوف ازورك غداً
(53) انت من الكفار
عبارة بمعنى " انت من الاعداء " أى الذى كفر بمبادئ الشله وعهودها والتزاماتها الوشنية ، مثال " مش جاى الديسكو النهارده ؟ فيقول لا .. فيردوا عليه ويقولوا - انت بقيت من الكفار اى المنشقين عنا
* وطبعا تخلى بالك لان ده مصطلح ممكن يوديك فى داهية فى الآخرة *
(54) أفتكس
كلمه تعنى القدرة علي الاختراع او التأليف في مجالات الحياه المتعدده التى تتسم بطابع العبط والاستظراف مثل " ايه اخر افتكاساتك يا عم ،، اى ما هى اخر اختراعاتك في الحياه
(55) إستوك .. بيتوك
مصطلح يطلق علي الفتاه الجميلة ، وهذا اللفظ يتشابة مع اللفظ الذى ورد في الاغنية الشهيره التى تقول " أيه الأستوك ده ... اللى مش بيتوك ده " اى التى تسير بدلع ودلال أنثوى ليس له مثيل
(56) أستكانيس
لفظ يدل علي الراحه والرفاهيه والمتعه وتقال " انا مستكانيس كده " اى انا مرتاح جداً بهذه الطريقه
(57)ادعك الفنوس
ودة بتتقال لما يكون فى واحد عامل مشاكل والبوليس بيضور علية ودى معنها اختفى
زى الجن الى فى الفنوس اليومين دول
( 58)هنروح المولد
ودى بتتقال على الاماكن الى فيها بنات كتير_ قديم قوى
-----------------------------------------------------------------------
ودول حبة مصطلحات تانية
(59)خبط في الكلام
عباره يقصد منها توجيه اللوم لشاب حيث يتحدث في اشياء لا تخصه او كان يقصد الشتيمه مثل " انت بتخبط في الكلام " اي تقول كلام لا داعي له
(60)خدوده انش
خدوده انش عباره تطلق علي الفتاه الجميله التي تمتاز بالرقه و النعومه الممتزجه بالخجل
(61) الحته الزفره
عباره تطلق علي الملابس الجديده و تقال " لابس الحته الزفره "اي مرتدي اجمل الثياب بقصد الخروج في ميعاد هام
(62)خرمان
لفظ بمعني انه محتاج الي سيجاره حالا و هو لفظ تعدي حدود الروشنه فهو يستخدم بين الناس و في الافلام و المسلسلات
(63)خلبوص
لفظ بمعني ميه من تحت تبن اي يظهر غير ما يبطن و يقال اللفظ في المواقف التي تظهر فيها حقيقه الشخص الذي امامك
(64)خللو
هو الشخص المصاب بحاله من الجنون او الذي يتصنع العبط و الاستهبال و يتصرف تصرفات غير طبيعيه او مقبوله
(65)خمس
مصطلح يطلقه الشباب الذي ضربه السلك اي الذي اختفت من جيبه النقود و التخميس اما في سيجاره او كوب شاي
(66)خدني تحت جناحك
بمعني ساعدني لاصل الي هدفي و تقال لشخص ذو منصب او ظهرت عليه النعمه فجأه مثل "ياعم خدني تحت جناحك ده احنا غلابه "
(67)دايس عليها القطر
عباره تطلق علي الفتاه قبيحه المنظر لدرجه مبالغ فيها و تقال " البت دي دايس عليها قطر" اي لا تظهر ملامحها و حشه قوي الخ الخ الخ الخ
(68)الدنيا زي ما بتفكك بتظظبطك
عباره بمعني جاء الفرج .....بعد العسر يسر .....زما ضاقت الا ما فرجت ...ربك كريم
(69)دباليمو
مصطلح بمعني ان هذا الشاب صنايع او دبلوم تجاره "دبلوماتك برجلاتك دبله دهب في صباعتك "و هذا يعن ان الدبلوم طريق سريع للشاب ليدخل الي معترك الحياه و العمل باعتبار ان الحاصل علي الدبلوم قد يجد مهنه قبل الجامعي كما ان الفتاه الحاصله علي دبلوم تتزوج قبل الجامعيه و يقولون ايضا "دبلوم العدل" اي دبلوم الزواج
(70)دهاليز الحياه
باره بمعني مشاكل الحياه و معاناتها اليوميه و تقال "الواحد تاه في دهاليز الحياه " اي المشاكل المستمره الدائمه في الحياه
(71)دماغك
لفظ بمعني الانفصال عن الواقع اي الرغبه في تجنب المشاكل "يا عم دماغك" اي انسي المشاكل
(72)دبورو
هنا لا نقصد حشره الدبور بوجه خاص و لكن نقصد صفاته التي امتزجت بتصرفات الشباب مثل الرغي اي الذي لا يكف عن الحديث لكن غالبا ما يأتي ها اللفظ للتعبير عن الفتي الذي ينتقل من فتاه الي اخري اي كثير العلاقات الغراميه
(73)دبلج المسائل
عباره بمعني -صلح المواضيع- حاول ان تخفف الاخطاء او اضبط الامور او خفف حده التوتر الذي سببته
(74)دؤرم
فظ ثناء علي الشخص الذكي او الذي يفهم الكثير او الذي يعرف ما يدور حوله في الخفاء
(75)راح النار
عباره اجابه تقال عندما يسأل الشاب عن شخص ما لا يحبه مثل " احمد فين .....راح النار " اي لا اعلم مش عارف راح في انهي داهيه
-76روشن
أسلوب حياه مختلفة يتبعه أبناء الجيل العزيز حيث يتخلص من التقاليد الباليه المنافية لرغباتهم الشخصية لكي يعيشوا الحياة بأسلوب عصري و تقاليد من اختراعهم
77-رويتر
و هنا لا نعني الوكالة الاخباريه و لكننا نعني الشخص القادر علي حفظ المعلومات أو المثقف و أحيانا ما يهدف من الكلمة الاشاره إلي الشخص الرغاي كثير الكلام المحب للنميمة
78-ريشه
لفظ بمعني خفيف الخفة هنا بمعني الاستهبال ز تصنع المرح و تقال "ريشه يا ناس " أي أنت فاكر نفسك دمك خفيف أو نكاتك تؤثر في الناس و تضحكهم
79- راعيني
لفظ يقوله الشاب حين يظهر رغبته في أن يهتم به شخص ما مثل "راعيني في الشغل يا عم" أي حاول آن تجد لي وظيفة معك
80-زبون
الشخص الواقع في الخديعة أو الذي يمكن استغلاله مثل "خبط مصلحه من الزبون " أو " أنت زبون " أي يسهل خداعك
81-زلومه
لفظ يطلق علي الشخص الذي يدس انفه في كل كبيرة و صغيره أو بالبلدي " الحشري " و تقال " شاب بزلومة " و أحيانا تعني صاحب الأنف الكبير
82-زوغ
لفظ يعني " هوب " و له استخدامات عديدة مثل " زوغت امبارح من الجامعة " أي لم اذهب إلي الجامعة و خرجت مع الشلة في مكان ما أو " زوغت من فلان " أي هربت منه
83- زبله
لفظ بمعني القصير الذي ليس له أي أهميه
84- زغابه
لفظ بمعني جمهور من الناس أو عدد كبير من الناس و تقال " ناس إيه.. زغابه " إي لا يمكن عدهم
85-زغروف
اسم يطلق علي المخدرات
______________________________________________________
68- وتكه
تقال لبنت جامدة شديدة يعني – يعنى تحذير للبنات
87- سهن
دي لما يكون واحد عامل حاجه كويسة تقوله أنتا واد سهن أو أنتا شاب بيــــــس
88- سلاحف
دي بدل سلام وسلا موز والحوارات دي
89- تصبح علي جنب
دي بدل(( تصبح علي خير )) والرد (( وأنتا عالجنب التاني )) بدل وأنتا من أهله
99- هخرتأك - هعرقبك
دي بدل هضربك او هعلقك وكده يعني في العراك الهزار يعني –
100- يابن الحنكة
ودي بقي مش عارف معناها والله بس ساعات بتتقال قدامي –
101- انا في السلنكاتيه
يعني انا قشطه أوي كده -- مش فاكر بس دي بقي علي المستوي البيئي الحاجت البساكيت دي بكره بقي وباقي البيئه برده بك
102- زرقانا
لفظ يطلق علي الفتاه السمراء لدرجه السواد الذي يخفي المعالم و الملامح
103- زمبوقه
لفظ بمعني "صاحب الانف الكبير او صاحبه الانف الضخم و الزمبوقه اساسا هي بوز الشفشق او الكوز الكبير الذي كان يشرب منه العرب قديما
104- ستف تمام
عباره تدل علي جوده المخدرات
105- سبوبه
و تعني العمل السريع او العمل الاضافي مثال " عندي سبوبه " عندي عمل اضافي
106- ساستمني
لفظ مشتق من الكلمه الانجليزيه system بمعني نظام لكن اللفظ يعني اشرح لي .. عرفني.. اكشفلي الحقيقه
107- سكاموزه
لفظ بمعني .. دي صديقتي مثل " ايه يا سكاموزه " يعني عايزه ايه
108- سلوع او مسلوع
لفظ بمعني رفيع جدا جدا
اما بقا لو واحد مجرم وصايع جدا مثلا فبنقول علية .. .. منها ( حبسجي ) ( حملجي ) ( قلبه ميت ) ( في الطراوة)
___________________________
مصطاحات تسعينياتي
كتب اليوم السابع مجموعة من المصطاحات المصرية واللى بتيجى فى الافلام وانا حبيت اجيبها هنا علشان نبقى ملمين بكل جوانب الموضوع ومنخليش منه فتفوتة متكلمناش فيها
قشطه
معناها ماشى او اوك او تمام
روش طحن او جامد فحت او صايع اخر حاجة او جامد جدى
لفظ بيتقال على الشاب اللى يجنن او يهبل او يهوس او مقطع السمكة وديلها
كبر دماغك او كبر الجمجمة او فكك من الحوار
يعنى سيبك من الموضوع ده وريح دماغك منه
أخلص وبطل فشر
تتقال للى عاوزه يخلص كلامه اللى مليان كذب وتفاخر باللى مش عنده اصلا
أحلقله، وسقعله، ونفضله
يعنى سيبه او اتركه تماما يعنى طنشه او إلطعه ومتكلموش يعنى سيبه يرن وما تردش عليه
فصلتنى وقفلتنى
يعنى زهقتنى وقرفتنى منك
سيكا او زقة
يعنى حبة او شوية او سنة
___________________________
مصطلحات وليها معنى قديم
كتب المصرى لايت
انه فيه مصطاحات مصرية ليها اصل وبداية منها
هتسكت ولا أجيبلك البعبع
يعنى هتسكت ولا اجيبلك العفريت وهى كلمة قبطية مشتقة من كلمة بوبو ومعناها العفريت لتخويف الاطفال واسكاتهم
طنش
وهو مشتقة من كلمة طانشا القبطة برضه ومعناها انسى او تجاهل
شلق
الكلمة ذات أصل قبطي وتعني امتداد وإنفعال أو توتر وهى كلمة تقال فى المنطق الشعبية عن الست اللى صوتها عالى وكثيرة العراك والفاظها بذيئة
عبيط
الكلمة من الهيروغليفيه مشتقة من لفظين (عا) حمار و(بيت) شخصية، وعبيط معناها شخص حمار او غبى
طظ
حسب الموقع انه تم ذكر قصتها فى MBC
وهى كلمة تركية بعنى الملح وقد كانت السلعة اوحيدة المعفاة من الضرائب الجمركيه
لذلك التجار كانوا يقولون طظ حتى يمكنهم المرور بسرعة
شوبش
ذكر موقع المصرى لايت ان صحيفة الاهرام قالت انها كلمة هيروغليفيه قبطية مكونة من شقين
(شو) مئة، و(باش) سعادة او فرح
وهى تقال فى الافراح بمعنى مئة فرح وهناء لاهل العروسين
فلافل
ورد عن الاهرام انها ذات ثلاث مقاطع من كلمة قبطية مركبه
(فا) ذات، و(لا) كثير، و(فل) فول
ليصبح معناها ذات الفول الكثير
رُخي
يهلل الأطفال فى الشتاء وعند نزول المطر بقولهم «يا مطرة رخي رخي»
ويقول موقع ام بى سى ان كلمة رخ عامية مشتقة من كلمة مصرية قديمة معناها انزل
أهبل
كلمة يونانية مشتقة من «هابلوس» ومعناها «ساذج».
مدمس
وهى تشير إلى أكثرالوجبات الشعبية لدى المصريين، وبحسب صحيفة الاهرام فإن كلمة «مدمس» اصلها يوناني ومعناها الفول المستوي في الفرن بواسطة دفنه أو طمره فى التراب، وفي الهيروغليفية او المصرية القديمة يُقال عليه «متمس» أي انضاج الفول داخل القدر بواسطة دفنه في التراب
وحوي
الكلمة لها اصل فرعونى بحسب ما ورد فى كتاب «أصل الألفاظ العامية من اللغة المصرية القديمة»
فبعد انتصار الملك أحمس على الهكسوس وطردهم من البلاد، خرج الشعب المصري يحيي والدة الملك أحمس، الملكة إياح حتب، فكانوا يهتفون «لها واح واح إياح» بمعنى «تعيش تعيش إياح»
ومع مرور الزمن صاروا ينادون بها الهلال وصار الاطفال يغنون الأغنية «وحوي يا وحوي إياحة» في شهر رمضان ابتهاجاً به وبهلاله.
جزمة
وهى كلمة أعجمية وتعود إلى عهد العثمانيين (تشيزمه) بمعنى حذاء.
شنطه
وهى المشتقّة من «چنته» الفارسية، والتى اشتقت منها الكلمة التركية «تشانطة»، وتستخدم للدلالة على الحقائب وخاصة الصغيرة منها.
يادّلْعادى
بحسب ما نقلته «المصري اليوم» في أحد تقاريرها. هى كلمة تُستخدم في الخناقات المصرية وأصلها عربي، فهى فى الأصل «يا ألد أعدائي» واختصرتها العامية المصرية فيما بعد.
هلس
بمعنى تلف أو فساد أو دَنَس وتشير «إم بي سي» إلى أنها كلمة قبطية أصلها يوناني من كلمة «هيلوس».
ومعناها فى العامية المصرية ايضا الانحراف عن الطريق القويم او الكلام بدون معنى
يلا برة
وهى كلمة قبطية مأخوذة من اليونانية «إيلا بارا» معناها «إلى الخارج» بعنى الطرد.
يا خراشي
كلمة مصرية ترجع لاسم أول شيخ أزهر وهو محمد الخراشي، وكان ينصر الضعفاء والمظلومين،
وتستخدم كنداء المستضعفين الذين يحتكمون لحاكم عادل.
أوي
بحسب صحيفة «الأهرام» هي كلمة مصرية قديمة نطقها الاجداد القدماء بنفس طريقتنا،
وتعني طويل وممتد، وسعات اوى اوى كناية عن البعد او الطول او الامتداد الكبير جدا، ويستخدمها المصريون فى زمننا الحالى بنفس المعنى، فنقول «بلد بعيدة أوي».
_________________________________
كانى ومانى ودكان الزلبانى
بمعنى لا تثرثر ودعك من السفسطة بحسب موقع الشارع الجديد، وفيها ثلاث روايات: الكانى والمانى هما السمن والعسل والتى كانت تقدم كقرابين للمعبودات المصرية قديما، وبعض الناس قالت ان كلمة كانى دلالة على مدينة كان الفرنسية ومان تدل على رجل بالانجليزية، وان اصلها يعود لجارة التاجر الذى يبيع الزلابية وكانت كثيرة التحدث (ثرثارة) عن اولادها (كانى ومانى) ودكان الزلابية الذى يجاورها وتستخدم هذه الجملة إشارة إلى التلخيص والإنجاز وتجنب الثرثرة. وبعضهم قال ان هناك حلوانى فى حى اللبان بالإسكندرية حلوياته افضل من الكل وكان مشهور بعمل الزلابية (لقمة القاضي)، لذلك من كانوا يبيعون السمن والعسل يرددون انه معهم (كانى ومانى ولا دكان الزلبانى) يعنى افضل من التى لدى الزلبانى.
_________________________________
وياريت اللى عنده اى مصطلح جديد يكتبه علشان الاجيال القادمه
و الالفاظ دي مش واردة علي لسان انا انا يدوب نقلت الكلام من مصاردة
عشان محدش يحاسبني علي الكلام ده للضحك وبس
بس فعلا الكلام دة بيتقال و اكيد الكل عارفة بس مش الكل عارف معناه
و ادي الثقافة و لا بلاش
😂😂😂
المصادر
______________
ashariealjadid
اليوم السابع
فيسبوك
archive
7agatcool
almasryalyoum
